Wednesday, March 2, 2011

துன்பம் நேர்கையில் யாழெடுத்து நீ
இன்பம் சேர்க்க மாட்டாயா - எமக்கு, நல்
அன்பிலா நெஞ்சில் தமிழில் பாடி நீ
அல்லல் நீக்க மாட்டாயா - கண்ணே
வன்பும் எளிமையும் சூழும் நாட்டிலே - என்
வாழ்வில் உணர்வு சேர்க்க - நீ
அன்றை நற்றமிழ் கூத்தின் முறையினால்
ஆடிக்காட்டமாட்டாயா- கண்ணே
அறமிதென்றும் யாம் மறமிதேன்றும் - யாம்
அறிகிலாதபோது - தமிழ்
இறைவனாரின் திருக்குறளிலே யொரு சொல்
இயம்பிக்காட்டமாட்டாயா - நீ
புறமிதேன்றும் நல்லகமிதேன்றுமே
புலவர் கண்டநூலின் , தமிழ் - நல்
திறமை காட்டி யுனை ஈன்ற எம்முயிர்
செல்வமாகமாட்டாயா - தமிழ்

- பாரதிதாசன்
(தேஷ் ராகத்தில் தண்டபாணி தேசிகர் பாடியபடி)

No comments: